სახანძრო უსაფრთხოება სკოლებში

სახანძრო უსაფრთხოება სკოლებში

სკოლებში ხანძრის რისკების მართვა ეფუძნება საერთაშორისო სიცოცხლის უსაფრთხოების კოდებსა და საბაზისო პრინციპებს: პრევენცია, სწორი ინფრასტრუქტურა და ადამიანების მზადყოფნა. მიზანი არის, რომ ცეცხლის გაჩენის ალბათობა შემცირდეს და საჭიროების შემთხვევაში მოსწავლეები და პერსონალი სწრაფად და უსაფრთხოდ ევაკუირდნენ.

1. შენობა და ინფრასტრუქტურა

• საგანმანათლებლო შენობებში უნდა იყოს რამდენიმე ხელმისაწვდომი ევაკუაციის გზა, რომლებიც დაცულია და კარგად არის მონიშნული.

• დერეფნები, კიბეები და გასასვლელები არ უნდა ჩაიკეტოს ავეჯით, ინვენტარით ან დეკორაციებით, რომ ევაკუაციის დროს უწყვეტი მოძრაობა იყოს შესაძლებელი.

• EXIT ნიშნები და საგანგებო (ავარიული) განათება უნდა იყოს მკაფიოდ ხილული და მუშაობდეს.

• სკოლაში განთავსებული ცეცხლმაქრი მოწყობილობები უნდა შეესაბამებოდეს შენობის ზომას და რისკებს, იყოს ადვილად ხელმისაწვდომი და რეგულარულად ინსპექტირებული.

  
  

2. აღმოჩენა და სიგნალიზაცია

• სკოლას უნდა ჰქონდეს ადრეული აღმოჩენის სისტემა: კვამლის დეტექტორები და სიგნალიზაცია, რომლებიც მოიცავს და დაფარავს საკლასო ოთახებს, დერეფნებს, საერთო და ტექნიკურ ზონებს.

• ხმოვანი და ვიზუალური სიგნალები (სირენები, exit ნიშნები და ავარიული განათებები) ისე უნდა ფუნქციონირებდეს, რომ შეტყობინება მივიდეს ყველა ზონამდე, მათ შორის - ხმაურიან გარემოში, მაგალითად სპორტდარბაზში.

• ცენტრალური სახანძრო სიგნალიზაციის პანელი და სისტემის ჩანაწერები პერიოდულად უნდა მოწმდებოდეს, რათა სისტემაში არ ჩარჩეს „შეცდომები“ (troubles), რომლებიც სისტემის გამართულ მუშაობას ხელს უშლის.

  
  

3. ყოველდღიური პრევენცია

• კლასებსა და საერთო სივრცეებში ღია ალი (სანთლები, პატარა ღია ნაკეცები) არ უნდა გამოიყენებოდეს, გარდა სპეციალურად კონტროლირებადი, უსაფრთხოების დამატებითი ზომებით უზრუნველყოფილი შემთხვევებისა.

• გათბობის და სხვა თბო მოწყობილობები უნდა იყოს დაცილებული ფარდებისგან, ქაღალდებისგან და სხვა აალებადი დეკორაციებისა და ინვენტარისგან.

• სამზარეულოსა და სასადილოში ცხიმისა და ნარჩენების ზედაპირები რეგულარულად იწმინდება, რათა არ წარმოიქმნას სწრაფი გავრცელების რისკი.

• ელექტრო პანელები და გაყვანილობა უნდა იყოს ხელმისაწვდომი ინსპექციისთვის, არ უნდა დაიფაროს ნივთებით.

  
  

4. ევაკუაციის გეგმა და სპეციალური სწავლება

• სკოლას უნდა ჰქონდეს ევაკუაციის გეგმა, სადაც აღწერილია მარშრუტები, გასასვლელები და შეკრების ზონები სხვადასხვა ბლოკისთვის.

• მოსწავლეებისა და პერსონალის რეგულარული სავარჯიშო სწავლებები ეხმარება იმას, რომ ევაკუაცია სტრესულ პირობებშიც სწრაფად და ორგანიზებულად განხორციელდეს.

• სავარჯიშოები უნდა ტარდებოდეს სხვადასხვა სცენარით - დღის სხვადასხვა მონაკვეთში, სხვადასხვა საწყისი პოზიციებიდან, რომ ყველა გაიცნოს ალტერნატიული გზები. (კომპანია "დეტექტი" უზრუნველყოფს ტრენინგებს თქვენი სკოლისთვის)

• შეკრების ადგილი წინასწარ არის განსაზღვრული, საკმარისად შორს შენობისგან და ისე მოწყობილი, რომ ანგარიშგება მოსწავლეთა რაოდენობაზე იყოს მარტივი.

  
  

5. ადამიანების მომზადება

• ადმინისტრაცია და მასწავლებლები გადიან ტრენინგებს, სადაც სწავლობენ, როგორ მართონ ევაკუაცია, როგორ დაითვალონ მოსწავლეები და როგორ იმოქმედონ.

• მოსწავლეებისთვის იმართება საინფორმაციო სესიები ან მოკლე გაკვეთილები, სადაც მათ უხსნიან ხანძრის რისკებს, უსაფრთხო ქცევას და იმას, რა უნდა მოიმოქმედონ სიგნალიზაციის გააქტიურებისას.

• მნიშვნელოვანია კომუნიკაცია მშობლებთანაც: სკოლა უზიარებს ინფორმაციას, რა უსაფრთხოების პოლიტიკა და პროცედურები აქვს, რათა მათ ჰქონდეთ ნდობა გარემოს მიმართ.

  
  

6. მონიტორინგი

• სახანძრო უსაფრთხოების გეგმა რეგულარულად ახლდება, სისტემის ტესტირების და ინფრასტრუქტურულ ცვლილებების საფუძველზე.

• ყოველი სწავლების ან რეალური ინციდენტის შემდეგ ხდება შეფასება: რამდენი დრო დასჭირდა ევაკუაციას, სად გაჩნდა შეფერხება და რომელი ზონა აღმოჩნდა ყველაზე პრობლემური.

• აღმოჩენილი ნაკლოვანებები აისახება ცვლილებებში - დამატებითი EXIT ნიშნები, მოძრაობის კორიდორების გაწმენდა, ტრენინგების გამკაცრება და უკეთესი კომუნიკაცია.

სკოლის ადმინისტრაციისთვის მნიშვნელოვანია, რომ თეორიული რეკომენდაციები გადაიქცეს პრაქტიკულ ქმედებებად - სწორად შერჩეული სისტემებით, რეგულარული ტექნიკური მომსახურებით და პერსონალის უწყვეტი სწავლით.

ამ მიმართულებით სახანძრო უსაფრთხოების კომპანია დეტექტი, უზრუნველყოფს სკოლების სრულყოფილ სახანძრო უსაფრთხოებას: შენობების აღჭურვას სიგნალიზაციის, დეტექციისა და ცეცხლმაქრი სისტემებით, მათი შემოწმებით და განახლებებით, ასევე პედაგოგებისა და ტექნიკური პერსონალის ტრენინგებს უსაფრთხო ქცევასა და ევაკუაციის პროცედურებზე.

სატატია მომზადებულია: აშშ საგანგებო სიტუაციებისა და უსაფრთხოების ალიანსის (Emergency and Safety Alliance - ESA) და indiana state firemarshall-ის მონაცემებზე და რეგულაციებზე დაყრდნობით / NFPA